16809535 10212226403202246 2107126357 n

له‌ ڕێکەوتی19,02,2017، کومیتەی یەکیەتیی لاوان لە شاری كالمار وڵاتی سوێد، کۆنفرانسی ساڵانەی خۆی به‌ به‌شداری به‌رپرسی ته‌شكیلاتی یه‌كیه‌تی لاوان له‌ ده‌ره‌وه‌ی وڵات ، به‌رپرسی گشتی کومیته‌ی حیزبی دیمۆکراتی کوردستانی ئێران_كالمار به‌ڕێز جه‌لال ئه‌لیاسی  و به‌رپرسی یه‌كیه‌تی ژنان به‌ڕێز شه‌ره‌ف ئه‌لیاسی له‌ شاری كالمار بە سەرکەوتوویی بەڕێوە برد.

 

کۆنفرانسەکە بە سروودی ئەی ڕەقیب و پاشان بە خولەکێک بێدەنگی بۆ گیانی پاکی شەهیدان دەستی پێ کرد. دواتر په‌یام و پیرۆزبایی كۆمیته‌ی گشتی یه‌كیه‌تی  لاوان له‌ سوئید له‌ لایه‌ن به‌ڕێزان حه‌كیم عه‌لیپوور و زانیار ئه‌شره‌فی له‌ ڕێگای سكایپ پێشكه‌ش كرا.����پاشان بەڕێزجه‌لال ئه‌لیاسی بەرپرسی کومیتەی حیزبی دێموکراتی کوردستانی ئێران لە شاری كالمار باسێكی له‌سه‌ر گرینگی كاری ڕێكخراوه‌یی و چۆنیه‌تی كار كردن له‌ ڕێكخراودا  پێشکەش بە لاوانی بەشدار بوو کرد.پاشان بەشداربووان بە پرسیار و پێشنیار بۆ پێشخستنی چالاکیەکانی ئەو ڕێکخراوەیه‌ کۆڕەکەیان ڕازاندەوە.��له‌ بڕگه‌ی دواتر ڕاپۆرتی كارو چالاكیه‌كانی یه‌ك ساڵی رابردوو له‌ لایه‌ن كۆمیته‌ پێشكه‌ش كراو و دوابه‌دوای ئه‌وه‌ لە کەشێکی دیمۆکراتیکدا کومیتەیەکی نوێ بۆ ڕاپەڕاندنی چالاکیەکانی یەکیەتیی لاوان لە یەک ساڵی داهاتوودا هەڵبژێردرا.