kobunewey heshtemi bareweberi lawan 96.3 1

کۆبوونەوەی دەستەی بەڕێوەبەری گشتی یەکیەتیی لاوان رۆژی سێ شەممە ٣٠ی جۆزەردانی ٢٧١٧ی کوردی  لە بنکەی سکرتاریەتی رێکخراو بە ئامادەبوونی زۆربەی دەستەی بەڕێوەبەری بەڕێوەچوو.

 

کۆبوونەوە  کاتژمێر ٩ی سەرلەبەیانی بە رێزگرتن لە گیانی پاکی سەرجەم شەهیدانی کورد و کوردستان و شەهیدانی راسانی رۆژهەڵات دەستی پێکرد.

دواتر دەستووری کاری کۆبوونەوە راگەیندرا.

لەو پێوەندییەدا راپۆرتی  کار و تێکۆشانی رێکخراو خرایە بەرباس و دواتر بە پێی رەواڵی کاری رێکخراوەیی کە هەر دوو ساڵ جارێک کۆنگرەی رێکخراو دەبەسترێت دەستەی بەڕێوەبەری گشتی یەکیەتیی لاوان بە هەڵسەنگاندنی هەلومەرجی تایبەتی رێکخراو بڕیاری دا لە کاتی خۆی کۆنگرە ببەسترێت. دواتر لێژنەی ئامادەکاری بۆ بەرێوەبردنی کۆنگرەی نۆیەمی یەکیەتی لاوان پێکهێنرا و بریارەکانی پێوەندیدار بەو بابەتە پەسەند کران.

 

لە بڕگەی دووەمی کۆبوونەوەدا بەرێز کاک مستەفا هیجری سکرتێری گشتی حیزبی دێموکرات و کاک حەسەن شەرەفی بەرپرسی ناوەندی رێکخراوە مەدەنیەکان بەشدارییان لە کۆبوونەوەی رێبەری یەکیەتیی لاوان‌ کرد.

بەرێز کاک مستەفا هیجری ئاوڕیکی لە کار و تێکۆشانی لاوان دایەوە و لەو پێوەندییەدا وێرای هیوای سەرکەوتن بۆ رێکخراوی لاوان، لە راستای باشتر بەڕێوەچوونی کاری رێکخراو و کۆنگرەی یەکیەتیی لاوان کۆمەڵێک پێشنیاری خستە بەر باس.

هەروەها کاک حەسەن شەرەفی بە هەڵسەنگاندنی رۆلی لاوان لە خەباتی نەتەوەییدا، ئاماژە بە هەنگاوە پێویستەکان بۆ سەرخستنی کاری لاوانی کرد و رای دەفتەری سیاسی لەو بوارەدا دەربری.

  پاش ٣ کاتژمێر کاری بەردەوام،  بەرێوەبەری بە لێکدانەوەی بابەتەکان و دەرکردنی بریارە پێوەندیدارەکان کۆتایی بە کۆبوونەوەی خۆی هێنا.