sminari yekem bo kongrei 9 4

بە مەبەستی زیاتر روونکردنەوە و باس کردن لە پرس و بابەتەکانی تایبەت بە کاری کۆنگرەی ٩ی یەکیەتیی لاوان ، هەیئەتی ئامادەکاری کۆنگرە ٣ سمیناری تایبەتی بۆ نوێنەرانی کۆنگرەی یەکیەتیی لاوان رێک خست .

 

هەر لەو پێوەندییەدا لە بانەمەڕی ٢٧١٨ی کوردی لە سەر دوو ئاست و کاتی جیاواز بۆ نوێنەرانی کوردستان ، سمینار بەڕێوە چوو و سمیناری کۆتایی‌ش لە جۆزەردانی ٢٧١٨ بۆ نوێنەرانی دەرەوەی وڵات بەڕێوەچوو  .

هەرکام لە سمینارەکان سەرەتا بە رێزگرتن لە گیانی پاکی شەهیدانی کورد و کوردستان و دواتر سرودی "تایبەت بە لاوانی کورد" دەستی پێ کرد.

 

sminari yekem bo kongrei 9 3سمیناری یەکەم بە بەشداری بەڕێز "حەسەن شەرەفی" جێگری یەکەمی لێپرسراوی گشتی حدکا و بەشێک لە بەرپرسانی دەزگای ئیجرایی و کومیتەی بەڕێوەبەری گشتی یەکیەتیی لاوان و زۆربەی نوێنەرانی هەڵبژێردراو لە سەر ئاستی کوردستان بۆ کۆنگرەی ٩ی یەکیەتیی لاوان ، بەڕێوەچوو .

 

 

پاش دیاری کردنی دیوانی بەڕێوەبەری سمینار، داوا کرا لە بەرپرسی "ناوەندی رێکخراوە مەدەنییەکانی حدکا" سیاسەت و هەڵویستی حیزب لە پێوەندی بە کاری رێکخراوەکان و بەتایبەت یەکیەتیی لاوان ، بخاتە روو .

 

دواتر داوا لە بەرپرسی هەیئەتی ئامادەکاری کۆنگرە کرا ، سەرجەم ئامادەکارییەکان و پلان و پرۆژەی کاری کومیتەی بەڕێوەبەری گشتی یەکیەتیی لاوان و باس و بابەتەکانی تایبەت بە کاری کۆنگرە ، بۆ ئامادەبووان روون بکاتەوە.

 

جەلەسەی دواتر تەرخان کرا بۆ نوێنەرانی هەڵبژێردراو بۆ کۆنگرەی ٩ی رێکخراو کە لە پێوەندی بە سەرجەم پرس و بابەتەکانی تایبەت بە کاری رێکخراوەیی یەکیەتیی لاوان و ئامادەکارییەکانی کۆنگرە و پرۆژەکارییەکان بۆ کۆنگرەی نۆیەمی یەکیەتیی لاوانی دێموکرات ، سەرنج و تێبینی و رەخنە و پێشنیارەکانی خۆیان بخەنە روو .

sminari yekem bo kongrei 9 2

پاشتر لە لایەن نوێنەری بەڕێوەبەری یەکیەتیی لاوان وڵامی بەشێک لە سەرنج و تێبینییەکان درایەوە .

 

سمیناری دووهەم کە تایبەت بوو بە نوێنەرانی کومیتەی کێلەشینی یەکیەتیی لاوان لە هێزی تایبەتی حدکا ، بە بەشداری هەیئەتێکی یەکیەتیی لاوان پێکهاتوو لە نوێنەری هەیئەتی ئامادەکار و کومیتەی بەڕێوەبەری گشتی و چەند کەس لە ئامادەبووانی سمیناری یەکەم ، لەگەڵ نوێنەرانی هێزی تایبەتی حدکا لە سەر سنوورەکانی کوردستانی رۆژهەڵات ، ئەو سمینارە بەڕێوە چوو.

 

سەرەتا سمینار بە رێزگرتن لە گیانی پاکی شەهیدان و سرودی "تایبەت بە لاوانی کورد" دەستی پێ کرد.

 

دواتر نوێنەری کومیتەی بەڕێوەبەری گشتی لە کومیتەی کێلەشین مەبەست لە گرتنی سمینار و بەرنامەی کاری سمیناری خستە روو.sminariduhem bo kongrei 9 1

 

دواتر پەیامی هێزی تایبەتی حدکا لە لایەن بەرپرسی کومیتەی کێلەشینی یەکیەتیی لاوان ، خوێندرایەوە.

 

پاشتر نوێنەری کومیتەی بەڕێوەبەری گشتی ، بڕیار و راسپاردەکانی دوو کۆبوونەوەی پێشووی یەکیەتیی لاوان لە هەمبەر ئامادەکارییەکانی کۆنگرە و پرسەکانی تایبەت بە کاری یەکیەتیی لاوان ، شی‌کردەوە.

 

پاشان یەکێک لە ئامادەبووانی سمیناری یەکەم ، راپۆرت و سەرنج و تێبینییەکانی نوێنەرانی بەشداربووی یەکەم سمیناری بۆ ئامادەبووان ، خوێندەوە.

 sminariduhem bo kongrei 9 2

دواتر داوا کرا لە بەرپرسی هەیئەتی ئامادەکاری کۆنگرە ، لە هەمبەر پرس و بابەتەکانی تایبەت بە کۆنگرە و پرۆژەکارییەکان ، روونکردنەوەی زیاتر بۆ نوێنەرانی هەڵبژێردراو لە کومیتەی کێلەشینی یەکیەتیی لاوان بۆ کۆنگرەی ٩ی رێکخراو ، بخاتە روو.

 

 

جەلەسەی دواتر تەرخان کرا بۆ سەرجەم نوێنەران کە راوبۆچوون و خوێندنەوەکانی خۆیان لەسەر پرسەکانی رێکخراو و ئامادەکارییەکانی کۆنگرە بخەنە روو .

 

پاشان لە لایەن نوێنەری کومیتەی بەڕێوەبەری گشتی یەکیەتیی لاوان ، وێڕای وڵامدانەوەی سەرنجی ئامادەبووان، درایەوە .sminari yekem bo kongrei 9 1

 

لە درێژەی سمیناری تایبەت بە نوێنەرانی کۆنگرەی ٩ی یەکیەتیی لاوان بە مەبەستی زیاتر روونکردنەوە و باس کردن لە پرس و بابەتەکانی تایبەت بە کۆنگرە و رێکخراوەیی یەکیەتیی لاوان و سەرلەنوێ بوژاندنەوەی رێکخراو لە ماوەی رابردووشدا سێهەم سمیناری تایبەت بە نوێنەرانی دەرەوەی وڵاتی یەکیەتیی لاوان بە رێگەی سکایپەوە بەڕێوە چوو.

 

لەو سمینارەدا بەرپرسی هەیئەتی ئامادەکاری کۆنگرە لەسەر پلان و پرۆژەکارییەکانی رێکخراوی بۆ نوێنەرای شی کردەوە و داوای لەسەرجەم نوێنەران کرد کە هەوڵ بدەن لە هەمبەر سەرجەم پرسەکانی رێکخراو تا گەیشتن بە کۆنگرە باس و بابەتەکان لەگەڵ ماباقی ئەندامانی یەکیەتیی لاوان و دۆستانی ئەو رێکخراوەیە بخەنە بەرباس و سەرنج و تێبینی و پرۆژە پێشنیارەکان بهێننەوە کۆنگرە .

 sminari yekem bo kongrei 9

بڕگەی دواتر دەستەی سەرپەرەشتیاری دەرەوەی وڵاتی یەکیەتیی لاوان سەرنجەکانی خۆیان خستە روو و دواتر سەرجەم ئامادەبووان پێشنیار و تێبینی و پرسیارەکانی خۆیان خستە روو و لە لایەن نوێنەری بەڕێوەبەری گشتی یەکیەتیی لاوان وڵامی ئامادەبووان درایەوە . دواتر بەرنامەی کاری بۆ نوێنەرانی دەرەوەی وڵات تا گەڕانەوەیان بۆ کوردستان و ئەو ماوەیە لە کوردستان دەبن ، روون کراوەیەوە .

 

بڕیارە لە وەرزی هاوینی ئەمساڵ بە بەشداری سەرجەم نوێنەرانی رێکخراو لە کوردستان و دەرەوەی وڵات کۆنگرەی ٩ی یەکیەتیی لاوان کە بە کۆنگرەی "راسانی لاوان" بە دروشمی "یەکخستنەوەی هێز، لە پێناو بەهێزترکردنی راسان‌دا" بەڕێوە بچێت .