کۆمه‌ڵایه‌تی

IMG 20181214 011906 983

 
لاوان میدیا : لە وڵاتی ئێران ئەو قوتابییانەی کە مارە دەکرێن یان هاوسەرگیری دەکەن لە قوتابخانەکان دوور دەخرێنەوە.
 
جگە لە خوێندکارانی سیاسی کە بە هۆکار گەلێکی وەکوو رەخنە گرتن و دژایەتی کردنی حکومەت لە خوێندن دوور دەخرێنەوە، بابەتێکی گرینگی دیکەش کە بەرچاو دەکەوێ ئەوەیە کە ئەو قووتابییە کچانەی مارە دەکرێن یان هاوسەرگیری دەکەن پێی یاسایەکی نەنوسراو دەبێ واز لەخوێندن بهێنن، تەنیا پاساوێکیش کە بەرپرسانی قوتابخانەکان بۆ ئەم کارە هەیانە ئەوەیە کە ئەم قوتابیانە دەبنە هاندەر بۆ ئەوەی هاوپۆلییەکانی دیکەیان بیر لە ژیانی هاوبەش بکەنەوە.
 
پرسیارێک کە دێتە مەیدان ئەوەیە کە ئەم دوورخستنەوەیە درووستە ئەگەر درووستە بۆ شەرع رێگەی پێدەدا کە ژیانی هاوبەش پێکبێنێ، ئەگەریش شەرع رێگەی پێدەدا بۆ دووردەخرێتەوە لە خوێندن ؟!
 
لە زۆربەی وڵاتان هاوسەرگیری لە خوار تەمەنی ١٨ ساڵ بە گونجاوی نازانن و رێگەی پێ نادرێت کە هاوسەرگیری بکەن، چونکە بەناوی دەستڕێژی سپی ناوی دەبەن، بەڵام لە وڵاتی ئێران بنەماڵەکان بەهۆی ئەوەی کە توانای دابین کردنی تێچووی خوێندنی باڵایان نییە و شەرعیش ڕێگە خۆشکەرە و پێشی بە هاوسەرگیری خوار تەمەن ١٨ ساڵ نەگرتووە، بنەماڵەکان رێگری ناکەن لە پێکهێنانی ژیانی هاوبەشی منداڵەکانیان کە تەمەنیان لە خواری ئەم تەمەنە دیاریکراوەیە.
 
بەم هۆیەشەوە دەبینین لە کۆمەڵگایەکی وەکوو ئێران، چەندین کێشە و گرفت دێنە ئاراوە کە هۆکارە سەرەکییەکانی ئەم کێشانەش هاوسەرگیری منداڵانی کام تەمەن و وازهێنانە لە خویندن.
 

photo 2018 11 26 19 19 43

 
لاوان میدیا: بوومەلەرزەیەکی بەهێز چەند شارێکی ڕۆژهەڵاتی کوردستانی لەوانە ئیلام، کرماشان، سنە و ورمێیە هەژاند، کە خەساری گیانی و ماددی بەهۆی بەهێزی بوومەلەرزەکە لێکەوتۆتەوە.
 
ئەمشەو یەکشەممە ٤ی سەرماوەز ۱۳۹۷ی هەتاوی، بوومەلەرزەیەک لە ڕۆژهەڵاتی کوردستان ڕوویداوە، بە پێی ئەو هەواڵەی کە ماڵپەڕی کوردستان میدیا بڵاوی کردووەتەوە باس لەوە دەکات بەهۆی بەهێزی بوومەلەرزەکە خەسارێکی بەرچاوی گیانی و ماددی بە خەڵکی گەیشتووە، ئەم بوومەلەرزەیە بەهۆی بەهێزیەکەیەوە لە چەند شاری باشووری و باکووری کوردستانیش هەستی پێکراوە
 
ناوەندی بوومەلەرزەناسی جیهانی کە ناوەندی هانی بوومەلەرزەکە لە پارێزگای کرماشانی ڕۆژهەڵاتی کوردستان ڕاگەیاندووە، کە گوڕەکی ٦.٤ پلەی ڕیشتەر و لە قوڵای ۷ کیلۆمیتری ڕووی داوە.
 
ئەم بوومەلەرزەیە لە نزیک شارەکانی " سەرپێل زەهاو، قەسری شیرین، گێلانغەرب ڕوویداوە. 
 
ڕاپۆرتەکان باس لەوە دەکەن سەرجەم خزمەتگوزاریە سەرەتایەکان نەماوە. هەروەها زانیارییەکان باس لەوە دەکەن لە قەسرشیرین هاووڵاتییان به هۆی هاتنی بوومەلەرزە بریندار بوونە.
 
بەپێی ڕاپۆرتەکان هەتا ئێستا ٤٠ کەس کە بریندار بوونە و ڕەوانەی نەخۆشخانەی قەسرشیرین کراون و ٣٠ کەسی دیکەش بۆ نەخۆشخانەی سەرپێڵ ڕەوانە کراون.
 
ساڵی ڕابردوو بوومەلەرزەیەک بە پلەی ٧ ڕیشتەر لە ئەزگەلەی کرماشان لە ڕێکەوتی ٢١ی خەزڵوەری ساڵی ١٣٩٦ی هەتاوی ڕووی دا، کە زیاتر لە ١٠هەزار کوژراو و برینداری لێکەوتەوە.

IMG 20181112 223023 234

 
لاوان میدیا: پۆلێک لە لاوانی خوێندکاری زانکۆی پەیام نووری شاری مەریوان، هەڵمەتێکی بەڕوو چاندنیان بەڕێوە برد.
ڕۆژی دووشەممە ۲۱ی خەزەڵوەری ۱۳۹۷ی هەتاوی بەرانبەر بە ۱۲ی نۆڤامبری ۲۰۱۸ی زایینی، لاوانی خوێندکاری بنکەی "ژینگە" سەر بە پەیام نووری شاری مەریوان، لە هەڵمەتێکی ژینگەدۆستانە و ژینگەپارێزانەدا لە چەندین شاخی دەوروبەری مەریوان بەڕوویان چاند.
جێگای خۆشحاڵییە کە لاوانی خوێندکاری پەیام نووری شاری مەریوان بەڕێژەیەکی بەرچاو لەم هەڵمەتەدا بەشدارییان کردووە، جێگای ئاماژەیە جیا لە بنکەی "ژینکە"، پۆلەکانی فێرکاریی زمانی کوردی لەم هەڵمەتە ژینگەدۆستانەیەدا بەشدارییان و ئەم هەڵمەتەیان پێشکەش کردووە بە ڕۆحی پاکی ئەو شەهیدانەی کە لە پێناو ئاشتی و ئاوەدانی وڵاتەکەماندا گیانیان بەخت کرد.
بنکەی "ژینگە"، لە ساڵی ١٣٩٤ی هەتاوی بەرانبەر بە ۲۰۱۵ی زایینی، بە شێوەیەکی خۆڕسک دامەزراوە و بەردەوام سەرقاڵی چالاکیی ژینگەیی و فەرهەنگی بووە، یەکێک لە چالاکییەکانی ئەم بنکەیە هەڵمەتی بەروو چاندن بووە کە ئەمڕۆش وەکوو ساڵانی ڕابردوو لە زانکۆ پەیام نووری مەریوان بەڕێوە چوو.

shutterstock 107145812 1

 
لاوان میدیا : بە پێی ئاماری ناوەندەکانی مافی مرۆڤ کە بڵاوکراوە زیاتر ۱۰۰ هاووڵاتی کورد لە کوردستانی ڕۆژهەڵات بە هۆکاری جۆراوجۆر کۆتاییان بەژیانی خۆیان هێناوە.
 
 
بەپێی ئاماری بڵاوکراوە لە ماوەی شەش مانگی ڕابردوو دا لە کوردستانی ڕۆژهەڵات زیاتر لە ۱۰۰ هاووڵاتی کورد کۆتاییان بەژیانی خۆیان هێناوە کە ٥۰ لەو هاوڵاتییانە پیاون و ٥٦ ژنانن، هەمان هەواڵ باسی لەوەش کردووە کە لە پارێزگاکانی ئیلام و ئورومیە ڕێژەی خۆکوشتنی ژنان زیاتر بووە و هەروەها لە پارێزگاکانی سنە و کرمانشان ڕێژەی خۆ کوشتنی پیاوان زۆرتر بووە.
 
 
سەرجەم خۆکووشتنەکان بە ڕێژەی یەکەم بەهۆی هەژاری و بێکاریەوە بووە و بەڕێژەی دووەمیش بەهۆی کێشەی خێزانییەوە بووە
 
 
 هەروەها زۆربەی خۆکوشتنەکان بە پلەی یەکەم بەهۆی خۆهەڵواسینەوە بووە و حەب خواردن و خۆسووتاندنیش لە پلەی دووەم و سێیەم دێت.

photo 2018 10 01 12 32 55

 
 
لاوان میدیا : لاوێکی کوردی خەڵکی شاری جوانڕۆ لە لایەن دەزگای هەڵسەنگاندنی ئێرانەوە لە خوێندن بێ بەشکرا.
 
 
لاوێکی کورد بەناوی " مەسعود کەریمی" خەڵکی شاری جوانڕۆی سەر بە شاری کرماشان، دەزگای هەڵسەنگاندی ڕێژیمی کۆماری ئیسلامی ئێران بە بەهانەی تەواو نەبوونی کەیسی خوێندنی لە خوێندن بێ بەشکرا.
 
 
بە پێی هەواڵی ئاژانسی هەواڵدەریی کوردپا، ئەو خوێندکارە کوردە یەکێک بووە لە خوێندکارە ئەستێرەیەکانی بەشی زانستی سیاسی، پاش تەواو کردنی تاقیکردنەوەی کنکور بەسەرکەوتووی، دەزگای هەڵسەنگاندی ڕێژیمی ئێران بە بەهانەی تەواو نەکردنی کەیسی ئەو خوێندکارە کوردە لە خوێندن بێ بەشی کردووە.
 
 
هەروەها ئاژانسەکە ئەوەشی ڕاگەیاندووە کە ئەو خوێندکارە لە لایەن ئیدارەی ئیتلاعات شاری کرماشان بانگهێشت و لێپرسینەوەی لێکراوە و تۆمەتی ئەنجام دانی چالاکی سیاسی خراوەتە پاڵی و لە بەردەوام بوون لە خوێندن بێ بەریکراوە.