logoi 2 rekxrawi rojhelat lawan لاوانی خوشەویست

هاونیشتمانانی بەرێز

        بە بۆنەی ١٢ی جۆزەردان رۆژی لاوانی کورد گەرمترین پیرۆزباییتان ئاراستە دەکەین.

  

   دیارکردنی رۆژێک بۆ لاوانی کورد تەنیا بۆ ئەوەی نیە کە یادێک لە لاوانی کورد بکرێتەوە، بەڵکوو ساڵانە ئەو رۆژە دەبێتە بنەمایەک بۆ هەڵسەنگاندنی کار و خەباتی لاوانی کورد و بەرەوپێش‌چوونەکانی خەباتی لاوان دژی دیکتاتۆری و دەسەڵاتی زاڵ  و ئاوردانەوە لە بەربەستەکانی بەردەم تێکۆشانی لاوانی کورد و دۆزینەوەی رێگا چارەکان بۆ گەیشتن بە ئازادی و مافەکانی لاوان.

 لە کاتێک دا کە بەشێک لە زیندانییەکانی کۆماری ئیسلامی لاوانن و هەر ئەوانن بوونەتە سەنگەری دژایەتی لەگەڵ دەسەڵاتی زال و لە رابرووش دا هەر لاوانی کورد بوون کە تووشی ئەشکەنجە و ئازار و گرتن بوون وەک ئێعدامی ٥٩ لاوای مەهاباد لە رۆژی ١٢ ی جۆزەردانی ١٣٦٢ .

 

 بۆیە ئێمە رێکخراوەکانی لاوانی کوردستان وێرای دووبارەکردنەوی پەیمان بۆ درێژە پێدانی رێگایان بۆ بەربەرەکانی لەگەڵ رژێمی سەرەرۆ و پشتیوانی کردن لە داواکانی ئەوان بە تایبەت زیندانیانی سیاسی و کەسانی وەک محمد سدیق کبودوند.

 

 هەوڵ دەدەین بە دانای پلانی هاوبەش لە لایەن رێکخراوەکانی لاوان هاوتەریب لەگەڵ رەوتی بزووتنەوەی کورد لە کوردستانی رۆژهەڵات کە پێی ناوەتەوە قۆناغێکی نوێیەوە، ئاراستەی خەباتی لاوان  بۆ قۆناخێکی نوێ بەرەوپێش بەرین .

 

لە کۆتایی دا بە بۆنەی هاوکات بوونی رۆژی لاوانی کورد لەگەڵ رۆژی (١ی ژۆئەن، رۆژی جیهانی منداڵان) پیرۆزبایی لە منداڵانی کورد بە تایبەت لە کوردستانی رۆژهەڵات دەکەین .

 

بەرز و پیرۆز بێ رۆژی لاوانی کورد لە کوردستانی رۆژهەڵات

یەکیەتی لاوانی دێموکراتی کورستانی ئێران

کۆمەڵەی لاوانی رۆژهەڵات

١٢ی جۆزەردانی ٢٧١٦ی کوردی

١ی ژۆئەنی ٢٠١٦ ی زایینی