تایبەت بە لاوان

20181018 203909

 
 
شاهۆ وەیسی کوڕی وەیسی لە ڕێکەوتی ۱٤ی گەلاوێژی ۱۳۷٦ی هەتاوی لە شاری پاوە لە دایک بووە، لە منداڵییەوە دەستی بە خوێندن کردووە و هەتا وەرگرتنی بروانامەی دیپلۆم درێژەی بە خوێندن داوە. دواتر بۆ دەستکەوتنی بژێوی ژیان و بە هۆی هەژارییەوە وازی لەخوێندن هێناوە و بە مەبەستی کارکردن دەڕواتە شارەکانی دیکەی ئێران.
 
 
شەهید شاهۆ وەکوو زۆربەی هاونیشتمانییەکانی بە هۆی بێ کاریەوە لە ساڵی ۱۳۹۰ی هەتاوی پەنا دەباتە بەر کار کردن لە ناوچە سنووریەکانی کوردستان.
 
 
شەهید پاش هەست کردن بە زوڵم و ستەمی دوژمنان دەرحەق بە گەلی کورد، هەست کردن بە بەرپرسیاریەتی بەرانبەر نەتەوەکەی لە ساڵی ۱۳۹٥ هەتاوی دێتە ریزی پێشمەرگەکانی حیزبی دێموکراتی کوردستانی ئێران و درێژە بە رێبازی شەهیدانی کورد و کوردستان دەدات. هەر لە سەرەتای بوونی بە پێشمەرگە دەبێتە ئەندامی یەکیەتی لاوانی دێموکراتی کوردستانی ئێران و لە ڕیزی ئەو ڕێکخراوەدا ئەرکدار دەبێت. شەهید لە سەرجەم ئەو ئەرکانەی کە پێی سپێردرابوون سەرکەوتنی بەدەست هێناوە و بەو پەری دڵسۆزیەوە هەتا دوادڵۆپی خوێنی لە خەبات کردن درێغی نەکردووە.
 
 
سەرەنجام شەهید شاهۆ وەیسی و یەکێک لە هاوڕێیانی بەناوی " شەهید زانیار ئیسلامی" بۆ بەجێ گەیاندنی ئەرکی حیزبی و تەشکیلاتی لە ناوچەی پاوە، لە ڕێکەوتی ۲۰ی ڕەزبەری ۱۳۹۷ی هەتاوی کاتژمێر ٨ی سەرلەبەیانی دەکەونە کەمینی سوپای تیرۆریستی پاسدارن و پاش شەڕێکی قورس کە سێ کاتژمێری خایاند، زۆر بەداخەوە شەهید شاهۆ لەگەڵ شەهید زانیار لەو شەڕەدا گیانی خۆیان دەکەنە فیدای کورد و کوردستان.

Adobe 20180928 201247

 
 
لاوان میدیا: ناوەندی ڕێکخستنی گشتی یەکیەتیی لاوانی دێموکراتی کوردستانی ئێران، کۆنفڕانسی کومیتەی "بەمۆ" لە شارۆچکەی زەڕەیان بەڕێوە چوو.
 
 
 
ڕۆژی هەینی ڕێکەوتی ٦ی رەزەبەری ۲۷۱۸ی کوردی بەرانبەر لەگەڵ ۲٨ی سێپتامبری ۲۰۱۸ی زایینی، کۆنفڕانسی کومیتەی "بەمۆ" لە شارۆچکەی زەڕەیان بە بەشداری "سەلام قادری" جێگری ناوندی ڕێکخستنی یەکیەتیی لاوان لە لەو شارۆچکەیە بەڕێوە چوو.
 
 
 
سەرەتای کۆنفڕانسەکە بە چەند ساتێک بێ دەنگی بۆ ڕێزگرتن لە گیانی پاکی سەرجەم شەهیدانی کوردستان دەستی پێکرد، پاشان "سەلام قادری" جێگری ناوەندی ڕێکخستنی یەکیەتیی لاوان باسێکی لەسەر کۆنگرەی نۆهەمی یەکیەتیی لاوان و ئاڵوگۆڕەکانی کۆنگرە و ئەرکەکانی ئەندامانی یەکیەتیی لاوان پێشکەش بە بەشداربووان کرد.
 
 
 
لە بەشێکی دیکەی کۆنفڕانسەکەدا ڕوونکردنەوەیەک لەسەر چۆنییەتی بەڕێوە چوونی کۆنفڕانسەکە لە لایەن "سەلام قادری" بۆ ئامادەبووان باس کرا، پاشان ئامادەبووان ڕەخنەو پێشنییارەکانی خۆیان باس کرد.
 
 
 
لە بەشی کۆتایی کۆنفڕانسەکەدا، بە شێوەی هەڵبژاردن"ساسان یەعقووبی" وەکوو بەرپرسی کومیتە هەڵبژێردرا و کۆنفڕانسەکە بە سەرکەوتووی کۆتایی پێهات.

702482 b67da522e4f0a99ff94823746e78ac36

 لە درێژەی خۆکوژییەکان لە نێو مێرمنداڵان لە شارەکانی کوردستانی ئێران، کچێکی مێرمنداڵ خەڵکی شاری بانە کۆتایی بە ژیانی خۆی هێنا.

23150

ئەندامێکی یەکەتیی لاوانی  دێموکراتی کوردستانی ئیران، لە کێبڕکێی نێودەوڵەتیی لەشجوانی توانی پلەی دووهەم بەدەست بێنێت.

keykaws nsli

 ئەندامێکی یەکیەتیی لاوانی دێموکراتی کوردستانی ئێران، لە شاری مەریوان کۆچی دوایی کرد.