هه‌ر بنه‌ماڵه‌یه‌كی‌ ئێرانی‌ به‌ 244 هه‌زار تمه‌ن كورتهێنان له‌ مانگدا ده‌ژی

به‌پێی‌ راپۆرتی‌ "ایران پرس نیوز" هه‌رچه‌ند زۆربه‌ی‌ به‌رپرسانی‌ كۆماری‌ ئیسلامی‌، ئاماری‌ ئابووری‌ وه‌درۆ ده‌خه‌نه‌وه‌‌و یان هه‌وڵی‌ گۆڕین‌و ده‌ستكاریكردنی‌ ئاماره‌كان ده‌ده‌ن به‌ڵام لێكۆلینه‌وه‌ مه‌یدانییه‌كان ده‌ریانخستووه‌ كه‌ له‌ هاوینی‌ ئه‌مساڵ، به‌تایبه‌ت له‌ مانگی‌ ره‌مه‌زاندا له‌ به‌راورد له‌گه‌ڵ‌ ساڵی‌ رابردوودا نرخی‌ خوارده‌مه‌نییه‌كان له‌ نێوان 39 تا 141 له‌سه‌د چۆته‌ سه‌ر.
به‌پێی‌ دوایین راپۆرته‌كان هه‌ڵاوسان له‌ مانگی‌ رابردوودا له‌ نێوان 23 تا 26 له‌سه‌ددا بووه‌‌و ئه‌مه‌ش له‌كاتێكدایه‌ كه‌ به‌ وته‌ی‌ سه‌رچاوه‌ نێوخۆییه‌كان هه‌ر بنه‌ماڵه‌یه‌كی‌ ئێرانی‌ به‌ 244 هه‌زار تمه‌ن كورتهێنان له‌ مانگدا چیا به‌سه‌ر ده‌بات.