وه‌ڤدێكی كوَمیته‌ی قه‌لادزێی یه‌كیه‌تی لاوانی دێموكراتی كوردستانی ئێران سه‌ردانی رێكخراوی ئازادی لاوانی كرد

رۆژی شه‌ممه‌ رێكه‌وتی 4/7/1390ی هه‌تاوی، وه‌ڤدیكی یه‌كییه‌تی لاوانی دێموكراتی كوردستانی ئێران به‌ سه‌رپه‌رشتی قاسم فه‌رهوودی ئه‌ندامی جێگری كومیته‌ی به‌رێوه‌به‌ری گشتی یه‌كییه‌تی لاوان و به‌ هاوڕێیه‌تی مارف ته‌هایی به‌رپرسی كومیته‌ی قه‌لاَدزێ و حوزه‌یر ته‌هایی و پێشه‌وا موحه‌مه‌دییان ئه‌ندامانی كومیته‌، سه‌ردانی سه‌نته‌ری قه‌لاَدزێی رێكخراوی ئازادی لاوانیان كردو له‌ لایه‌ن وه‌ڤدێك به‌ سه‌رپه‌رشتی هێمن حه‌سه‌ن به‌رپرسی سه‌نته‌ری قه‌لاَدزێوه‌ پێشوازییان لێكرا .
سه‌ره‌تا باسێك له‌ لایه‌ن وه‌ڤدی یه‌كیه‌تی لاوان سه‌باره‌ت به‌ مێژوو و به‌رنامه‌و پێره‌وی نێوخۆی یه‌كییه‌تی لاوان پێشكه‌ش كرا، به‌شی دووه‌می دانیشتنه‌كه‌ باسێك بوو له‌ سه‌ر بارودۆخی لاوانی كورد له‌ پارچه‌كانی كوردستان .
له‌ كۆتایی ئه‌و دیداره‌ دا هه‌ر دوو لایه‌ن زۆر دوَستانه‌ له‌ سه‌ر هاوكاری هاوده‌نگییان به‌رامبه‌ر به‌ كێشه‌كانی لاوان و به‌رده‌وامیان له‌ په‌یوه‌ندی و كاری هاوبه‌شی نێوان هه‌ر دوولا پێیان داگرته‌وه‌.